ಬರುವೆಯ ಎಲ್ಲವನು ಬಿಟ್ಟು

ಬಿಟ್ಟು ಬರುವೆಯ, ಈ ದಿನ, ಈ ಕ್ಷಣ, ಈ ಜಂಜಾತಗಳನು
ನಿನ್ನ ಆಸೆಗಳು, ನಿನ್ನ ಆಕಾಂಕ್ಷೆಗಳು, ನೀನಿಚ್ಚಿಸುವ ಜಗವ ಸೃಷ್ಟಿಸಿ ಕೊಡುವೆ
ನಿನ್ನ ಪ್ರೀತಿ, ನಿನ್ನ ಮೊಹ, ನಿನಗೆ ಬೇಕಾದವರನ್ನೆಲ್ಲ ಅಲ್ಲಿ ಮರು ಸೃಷ್ಟಿಸುವೆ
ನೀ ಅಗಲಿದ ನೋವು ಇಲ್ಲಿನವರಿಗೆ ಮಾತ್ರ, ಅಲ್ಲಿ ಇದರ ಸುಳುಹು ಕೂಡ ಕಾಣಿಸ ಕೊಡದಿರುವೆ
ಬರುವೆಯ ಬಿಟ್ಟು ಎಲ್ಲವನು

ಅದು ವಾಸ್ತವವೇ, ಇಲ್ಲಿಯ ಹಾಗೆ ಹೆದರಬೇಕೆಂದೇನಿಲ್ಲ
ನಿನ್ನದೇ ಕಣ್ಣು, ನಿನ್ನ ಇಂದ್ರಿಯಗಳು, ನಿನ್ನದೇ ಅನುಭವ ಅಲ್ಲಿಯೂ ಕೂಡ
ನೀ ಜಗವ ಬದಲಿಸಿದ ನೆನಪನ್ನೂ ಉಳಿಸದಿರುವೆ
ಬರುವೆಯ, ಇಲ್ಲವೇ, ಆಗದೆ?

ನನ್ನ ಕುರಿತು ಸಂಶಯವೇ, ನನ್ನದು ಸಂಶಯವಾಗೆ ಇರಲಿ ಬಿಡು
ಆದರೆ ಕೇಳಿಕೋ ಒಮ್ಮೆ ನಿನ್ನನ್ನು ನೀನು
ಬರಲಿಚ್ಚಿಸುವೆಯ ಇಲ್ಲವಾ ಎಂದು
ಬರಲಿಚ್ಚಿಸಿದರೆ
ನಿನ್ನ ಆಸೆ, ಆಕಾಂಕ್ಷೆಗಳ ತೂಕವೇನೆಂದು
ಇಲ್ಲದಿರೆ ನಿನ್ನ ಸಂತಸ, ಜೀವನ ಬರಿ ನಿನ್ನದೊ ನಿನ್ನವರದೋ ಎಂದು
ಏನೇ ಇರಲಿ ಕಾಡಿವೆ ಕಿವಿಗಳು ನಿನ್ನ ಕಾರಣ ಕೇಳಲು
ಬರುವೆಯ ಎಲ್ಲವನು ಬಿಟ್ಟು

+ನಾಗಭೂಷಣ್